A·dok sorkarini CM’s Career Guidance Scheme nigita ki·taprangko indin suale on·aniko da·al salni bako North Eastern Career Academy (Shillong) ong·atangaha.
Ia ki·tapko sualaniara ICFAI Tura Campus o antidokna ong·atenggipa programni bakgita ong·a. Ia training ko SSC, Bank, DSC aro dingtang dingtang porikkarangna tarisamsonagita West Garo Hills ni chadamberangna ong·atenga.
Ia tom·bimonganio ICFAI ni officialrang aro West Garo Hills a·jani Sports and Youth Affairs Department bakko ra·e chatro chatri sakprakna Quantitative Aptitude, Reasoning & Logical Aptitude, English aro General Knowledge/ Current Affairs ni ki·tap kingbrirangko suale on·angaha ine NEC Academy ni Chief Instructor G M Bruce u·iataha.
