Dominic Sangma ni tarigipa ‘Rimdogittanga’ ba ‘Rapture’ jawilwat chang 21 gipa Indian Film Festival of Los Angeles (IFFLA) o Mention Award ko man∙angaha. Ia jawilwat ru∙utgija somoina skang Australia, Brisbane o Asian Pacific Screen Award ko ong∙atgipao skanggipa awardko man∙aha. Ian Rimdogittanga jawilwatna gnigipa changna awardko man∙ani ong∙enga.
IFFLA dingtangmancha jawilwatko tarianichi India a·songni golporangko, dakarika aro bewalrangko skie ra∙na cholko on∙a bikotgipa ong∙a. 2002 bilsioni a∙bachenge da∙ona intal IFFLA jawilwat tarigipa, golpo segipa aro gipin a∙songrang baksa jawilwatni a∙bao kam ka∙angkuenga. ‘Rimdogittanga’ dal∙begipa jawilwatni a∙damo gnigipa awardko man∙e changsatai A·chik jatna niksenganiko ra∙baaha.
