Da∙al pringni bako badingsruke bolrangko salangenggipa Bolero pickup gari bolsako Rongram PS ni ning∙o ong∙gipa Chibra Agal Babadam songoniko West Garo Hills pulis dolrang rim∙na man∙aha. Name sandianirangko dakani ja∙mano gario bolrangko gate niamni a∙palo nanggipa lekka pancharang donggija badinganiko niknagita man∙aha.
Iani bidingo State Forest Department na u∙iatmanaha aro pulisrangni man∙rikgipa bolrangko department na pakwatanggen ine koborna parakataha. Garo Hills oni Assam a∙dokona bol badingsrukani ru∙utbea chasongonin ong∙baenga aro iachi bolrangko den∙peani batrikrikenganiko nikna man∙enga. Ia kamrangko pulis dolrang nirok sandie batanggimin salrangoba bol badingsrukgipa garirangko bang∙en rim∙nagita man∙angaha.
