Re∙anggipa Budbar salo Tura songjinmaoni bi∙sa sakgni gimagiparangko da∙al salni bako nikpilaha ine pulis dolrang parakataha. Ua bi∙sa sakgniko uamangni nokdangona rimangpile donaha ineba u∙iataha. Gimagipa me·a bi∙sa sakgniara Chediang A. Marak aro sakgipin Salchubath G. Momin ong∙a.
Nokdangni manderang bi∙sa sakgnini gimaaniko u∙iatani ja∙mano pulis dolrang dingtang dingtang biaprangoniko am·sandina a∙bachengate bon∙kame uamangko Tura Chandmari joloniko nikeaha ine u∙iataha. Koborrangko man∙soanigitade ua bi∙sa sakgni nokoni kataha ineba parakataha.
