Sima ari jolo donggipa manderangna dakchakaniko on∙agita da∙al salni bako a∙dokni 181 Battalion BSF dolrang South Garo Hills ni Dipulipara Border Out Post o Civic Action Programme ko ong∙atangaha. Ia programme o 181 Bn BSF ni Commandant Mayank Dwivedi mongsonggipa sokgipa ong∙e sima ari jolni poraeinggipa chatro chatrirangna bol 35 cycle rangko suale on∙angaha.
Ia programo songni Sordar, Dumnikura, Namchapara, Sibbari, Bangankona, Nilwagiri songrangni manderang bakko ra∙angtokaha. Chatro chatri rangna BSF rangni jaksrambee dakchake on∙anina songni manderang aro skigiparang uamangko mittelpilangskaaha.
