A·dokni Pulis department nigita dingtangmancha pulis dolni ning·o a·dokna dangdike on·anio an·tangtangni janggirangko on·kanggipa manderangna Commemoration Day ko da·al salni bako a∙dokni dingtang dingtang biaprango gisik ra·e maniangaha. A·dokna on·kange dangdike sianggipa matgrik rangni nokdangni manderangba ia tom∙anio bakko ra∙ange gisik ra∙aniko dakangaha.
A·dokko aro manderangko naljokatnagita uamangni janggitangko on·kange dangdike on·anina an·ching sakantian uamangko mande ra·e gisik ra·na krachongmota. Uamangni ka·donge dangdike on·anichisa songsalo salantio janggi tanganio tom·tome dongna aro sakantinan chel∙chakaniko on∙a dakchakenga.
