A∙doko chu palani somoiko ra∙doatanina saksa Social Activist Cherian Momin jegalataha. Batanggimin somoirango walni 9 bajiona chu palna somoi dongiminko a∙dokni Governor ni ra∙chakmanani ja∙mano Excise Registration & Stamp department walni 10 bajiona ra∙doatskaaha. Chu dokanrangko kulina walni 10 bajiona ra∙doataniara songsalo janggi tanganio neng∙nikaniko ra∙bagen. Chu palani somoiko bakkandikatanichi chadamberangni pekgipa ringanirangko jakkale a∙sel ong∙anirang aro kajia golmal ong∙anirangoniko champengna amgen ine Momin parakataha.
Walni somoirango chu palaniko dontongate sanna bannanio jakkalgipa bostu aro samrangko palgipa dokanrangkosa salwal kulie on∙a nanga jean manderangna namgniko on·gipa ong∙a ineba ua janapangaha. Unbaksana ua Mother’s Union dolrangko iani bidingo nirokate kamrangko ka∙e chu palani somoiko ra∙doaniko jegale ja∙ku de∙na didianikoba on∙ataha.
