Block ni gadango nirok simsakaniko daknagita Early Childhood Development Mission & Rescue Mission programko salsana Songsak C&RD block ni ning·o donggipa KGBV skulo a·dok sorkarini Development Commissioner da·al salni bako ong·atangaha.
Ia programo dingtang dingtang department rangni skie on·giparang re·bae bakko ra·giparangna ECD ni bidingo agantalate on·angaha. Ia programo skigiparang songsalo jak on·paani, songsalo bakrime kam ka·ani gamchatani, ECD ni gimin che·eme ma·sie ra·ani, gisik a·ning bite chanchina nanggipa kal·ani, ECD ni miksongani, kal·anirangchi skie ra·ani, ECD ni songsalo kam ka·ani, Poshan Abhiyan, MSRLS aro ICDS ni bidingo talate on∙angan baksana mikkangchi ECD ni kamrangko nambatatani bidingo agantalate on·angaha.
Ia programko ong·atanio Development Commissioner Sampath Kumar ia tom·aniko ong·atani miksonganirangko agantalate on·angaha. Unbaksana EGH ni Deputy Commissioner Vibhor Aggarwal programo bakko ra·e songsalo janggi tanganio ku·cholsan bakrime jakko on·e kam ka·ani gamchatani bidingo talate on·angaha.
