Rongram bajaroni adita mang chel·ao donggipa Waram Songma songni ramasamo antidamni jabolrangko ra·bae galaniko namnikjae jegalaniko Ku·rongdik na parakataha. Songni manderangni agananigitade, ia ramako re·ruraenggiparangna chaktogijagipa bibarangko man·anichi namen neng·nikaniko on·enga ine u·iataha.
Ia a·damko jabol galchakgipagita chacha jakkalaniara Rongram bajarko jokangenggipa chibimako nosto ong·ate mitchiatenga ine neng·nikaniko man·enggipa songni manderang parakataha. Ia chibimako songni manderang ringna, auna aro dingtang dingtang nanganirangna jakkalenga. Antidamo jakkalenggipa jabolrangko dokan dakgipa nokgiparang ra·bae ia a·damo galjachina aro wilwilao donggipa biapko rongtale rakkichina uamang dingtangmancha jako ra·enggipa manderangko nirokatchina mol·molataha.
