Tura songjinmao Durga Puja maniani tom∙tome matchota

Tura songjinmao bilsianti manirongagita Hindu toromo bebe ra∙gipa manderang da∙al salo bon∙kame Durga Puja ko maniangaha.

Ia manianio bang∙a manderang tom·bimonge Tura bajar antidamni wilwilao uamangni olakkigipa Durga isolko gario salange Babupara jolo jokenggipa Rongkhon chiringo balpakataha.

Hindu toromo bebe ra∙giparang uamangni dal∙begipa manianiko a∙dokni bang∙a biaprangon gisiko nange olakkianiko nikangaha.

Ia puja o dal∙a aro chona bebe ra·gipa manderang re∙bae bakrimaniko mesokan baksa ku∙cholsan ong∙e manianiko tom∙tome matchotataha.