SGH Baghmara songjinmani gital District & Sessions Court nokko Meghalaya High Court ni Chief Justice Sanjib Banerjee da·al salni bako nokdonggae on∙angaha. Ia nokdonggae on·ani somoio Education Minister Rakkam Sangma, GHADC ni CEM Albinus Marak, Judge H.S Thangkhiew, Judge W. Diengdoh aro Additional Judge B. Bhattacharjee dongpae bakko ra·angaha.
Chief Justice Sanjib Banerjee kachari ni gamchataniko aro uno kam ka·gipa manderangni a∙dokni manderangko niamgita chel·chakna man∙ani gamchataniko agantalate on∙angaha. Unbaksana jatni aro a∙dokni silroro namroroanina kam ka∙angnagita kadongsoani kattarangkoba parakangaha.
