All Garo Hills Ma∙chong Football Tournament 2023 ko October 28 Sonibar salo Rongrenggre Govt. skulni kal∙chakram biapo bon∙kame kal∙angaha. Bon∙kamgipa kal∙anio bak ra∙gipa pilak maharirang baksa kal∙susae chebagipa me∙asa doloni Gabil Chra aro Nengminja Chra kal∙susaangaha aro me∙chik doloni Gabil Nokme∙chik baksa Nengkra Nokme∙chik bil·tinggrike kal∙susaangaha.
Me∙asa dolrangni kal∙susaanio Gabil Chra goal 4 ko aro Nengminja Chra goal gni kosan chipna man∙e, Gabil Chra rang chegipa ong∙aha. Apsandaken me∙chik dolrangni kal∙susaanioba Gabil Nokme∙chik goal 4 ko man∙e, me∙asa aro me∙chik dolgni kal∙anion Gabil maharirang chegipa ong∙angaha.
Kal∙susaanio chegipa me∙asa dolrangna tangka gong hajal 50 ko aro me∙chik dolrangna gong hajal 25 ko boksis on∙angaha. Ia kal∙susaanio Williamnagar ni MLA aro PHE Minister Marcuise Marak mongsonggipa sokgipa ong·e bakko ra∙angaha. Unbaksana EGH ni Deputy Commissiner, Additional DC, DSO aro gipin mongsonggipa official rang dongpae bakko ra∙angaha.
