Gipin a∙dokoni bading chiwalgipa manderangko niam gri Chondon Nokat songona ba∙ra palna napaniko Civil Society A∙chik Welfare Organisation (CSAWO) Central Executive Headquarter oni rim·aha ine koborna parakataha. CSAWO ni President Tryans Marakni u·iatani gitade uamangni rim·rikgipa gari number ML 08 J 5832 o re·bagipa manderangara Madhya Pradesh ni ong·a ine parakataha. Rim·a man·gipa Madhya Pradesh a·dokoni Nitesh Charan aro uni ka∙rimskarangko nike sepangbatgipa Monabari Police Station na pakwatangaha ine u·iataha.
Ampati songni manderang aro gipin Garo Hills ni bakrango mikkangchi indakgipa neng∙nikanirangko chagrongna nangjanagita gipin a∙dokoni niam gri songo noko badinggiparangko nikgenchimode CSAWO dolna u∙iatchina mol·molangaha. Unbaksana Nokmarang aro songni gipin dilgiparang niamgri badinggiparangko napna on·jachina didiangaha. Ia dakgipa a·sel ong·anian dedrangrangna kenchakani ong·ani gimin obosta ong·na skangan simsaksona nanga ine CSAWO dolrang parakangaha.