A·dok sorkari sak 2,500 mangna pulis department o kamna rimnapaniko ru·utgija somoini gisepon dakanggen ine Cabinet Minister Marcuise N. Marak parakangaha. Mijal salni bako Cabinet tom·anio a·dokni pulis department o kamna rimnapani niamrangko nipiltaianiko ra·chakangaha ine Marak janapangaha.
Ia dingtang dingtang kamni gadangna jekai Sub-Inspector, AB constable, UB constable jeon Fireman aro Meghalaya Police Radio Organization (MPRO) rangna Central Recruitment Board (CRB) niamgita rimnapaniko dakanggen ine Principal Secretary Incharge Personnel department ni Cyril Diengdoh aganangaha. Batanggimin somoio kamna seokanirangko dakanio somoirangko ru·ute nangani gimin ma·mong nigita niamrangko ja·rike seokaniko dakna miksongenga jeon sakantian u·i ma·sie nambate aro komia somoio matchotatnagita man·anggen ine Diengdoh parakataha.
Ia taridapgimin niamrangko u·iatani ja·mano joljol sak 2500 kamna nakataniko parakate CRB nigita kamna rimnapaniko dakna kamrangko ta·rakatanggen ine mijal salni Cabinet tom·ani ja·mano parakataha.
