Adugre oni Purakhasia ona dakanggipa km 21 mang bakrogipa rama re·anggipa wachi karini somoio mikka jimbee waani a·sel nosto ong·aha ine PWD Tura Central Division ni Executive Engineer, NH, u·iataha.
Ramarangko taridapani kamrangko ka·genchimoba dal·dalgipa aro jrigipa bosturangko gate salgipa garirangni re·ruraani a·selo a·arang ruronge sorokko nosto ong·aniona sokatenga ine parakataha. Ia a·selko chagrongna nangengani gimin ramarangko taripiltaimiting somoio ton 9 na bate jrigipa dal·dalgipa garirangni re·ruraaniko dontongatenga ine ua koborna parakataha.
