Meghalaya Cricket Association (MCA) bilsi 15-ni ning∙o ong·gipa me∙chik chadamberangna BCCI ni ong∙atenggipao kal∙na sak 15 kal·giparangko seokangaha. Ia kal∙susaanio Meghalaya, a·dok dam bonga baksa kal·anirangko dakanggen jekon November 17 tariko Assam, 19 tariko Jammu & Kashmir, 21 tariko Nagaland, 23 tariko Delhi aro 25 tariko Karnataka baksa kal·susaanggen.
Kal·anina tarisamsoanirangko November 3 oni 13 tarikona Guwahati-o ong·atanggen. Meghalaya dolna kal·na seokako man·giparang Anastesia Shullai, Anjana Kumari, Awesaina S. Marak, Carieyoka Lyngdoh, Dejianna M. Sangma, Diya Biswa, Habandarisha Shangpliang, Jennyfer Fancon, Joannah Pyngrope, Lini Mandakini Ksoo, Mania Sangma, Mendy Adrena Mawlong, Ronjoli Basumatary, Steffenie Sohshang aro Zoya Tasneem ko seokangaha. Neng·takate donchengenggipa Evanrihun Sohshang, Bijimme Ch. Momin aro Lawanjanai Synnah iamang ong·a.
Kal∙giparangko dilna ba dakchakna Rupashree Sharma (Head Coach), Bhakupar Mylliemngap (Assistant Coach), Sweetie Marboh (trainer), Jalrimbal D. Arengh (Physio) ko seokangaha aro Manager-na ja∙mano chanchie seokanggen ine parakataha.
