Da·al salo Garo Hills ni bang·a bakrango All Souls’ Day ko gisik ra·e manianganiko nikangna man·aha. Ia salko Catholic toromo bebe ra·giparang uamangni ka·sagipa sianggimin manderangko aro ma∙drang maharirangko gisik ra·e bilsiantin November 2 tariko manironga.
Bang·a Catholic toromo bebe ra·giparang uamangni ka·sagipa manderangni gopramrangko rongtalate, candle rangko so·e, pulrangko done mande ra·aniko dakronga. Iasan ong·aigija toromko dilgiparang gilja ka·e sianggimin manderangni janggini tom·tomanina aro naljokanina bi∙chakronga. Tura songjinmao November 2 tariko Tura
Diocese ni Golden Jubilee maniani a·bachengani gimin jillani mitam bako November 1 tariko gisik ra·angskaaha. Ia salko Garo Hills mangmangosan ong·aigija Meghalaya a·dok gimikon gisik ra·e maniangaha. Catholic toromni re·dilenggipa skul aro college rang ia salko gisik ra·e bilsiantian chutti on·ronga aro pilak bebe ra·gipa manderang ku·cholsan maniani salko chu·sokata.
