A∙chikkuko Eighth Schedule ni bako napatna mol∙molaniko Ministry of Home Affairs ra∙chaka

Battanggimin salrango Ministry of Home Affairs (MHA) ni ming 38 ku∙sikrangko Eighth Schedule o napatna janapatgimino A∙chikkuko galchangani bidingo Garo Hills ni dilgiparang re∙ange MHA ko gronge nipiltaichinagita mol∙molangaha. Uamangni mol∙molaniko man∙e A∙chik ku∙sikko Eighth Schedule ni bak ong∙atna da∙o MHA ra∙chakaha ine Chief Minister Conrad Sangma parakataha.

MHA baksa golporimna Turani MP Agatha Sangma, Assembly Speaker Thomas Sangma, Cabinet Minister Marcuise Marak, A∙chik Literature Society (ALS) ni President Dr. Caroline Marak aro gipin memberrang bakko ra∙angaha. A∙chikkuko ra∙e da∙o chu∙gimik MHA ni Eighth Schedule o napatna ra∙chakgimin ku∙sikrang ming 39 ong∙aha.