North Eastern Hill University (NEHU) ni dongimin Anti-Ragging Committee (ARC) ru·utgija salrangna skang NEHU Campus Turao ong∙gipa a∙selni bidingo am∙sandianiko dakna Chief Secretary aro Director General of Police na chitti sedoatna manchiangaha. Ia chanchianiko ARC dol aro NEHU ni Vice Chancellor Prof PS Shukla baksa tom∙bimonge tik ka∙angaha.
Committee ni gita General of Police, Chief Secretary aro Superintendent of Police Turana ia a∙selni bidingo am·sandianiko dakna chitti sedoatgen ine NEHU ni Public Relations Officer Dr. Davidson Pyngrope aganangaha. Unbaksana dosi dakgiparangko bakbak rim∙na man∙jagenchimode University Grants Commission (UGC) ni dongimin niamo pangchake raka ja∙kuko de∙angna nanggen ine janape Tura Campus ni Director na chittiko sedoatgen ineba ua jananapangaha.
Una agreba ARC hostelko nirokenggipa aro gipin officialrangko mokordoma ka·na ja∙manchakani japangko talatchinaba ge∙etangaha.
