Williamnagar Nengmandalgre songo TB sabisiko man·e sae dongenggiparangna be·en an∙china namgni ong·gipa cha·ani ringanirangko Community Support & Nikshay Mitra nigita Cabinet Minister Marcuise N. Marak suale on·angaha. Cha·ani ringanirangko suale on·ani somoio ma·mong sorkarini Pradhan Mantri TB Mukt Bharat Abhiyan ko tal·ate on·angan baksa TB sabisiko man·enggiparangna District Tuberculosis Center ni gita dakchakani man·a amgen ine agane sae donggiparangko jajrenggija ka∙donge dongchina Marak aganangaha. Unbaksana sae dongenggiparangko ta·rake be·en an·sengpilnagita salantio jakkalna nanggipa samrangko aro rongtal an·tale dongchinaba Marak didiangaha.
Una agreba nangchongmotgipa kattarangko Williamnagar District Tubercolusis Center MO-TC ni Senior Medical aro Health Officer Dr. SR. Marak aganangaha. Ia program o a·jani DC Vibhor Aggarwal aro DMHO Dr. Ivory A. Sangma iamangba adita agan ku·pattianirangko dakangaha.
