India a·songni gipin a·dokrangoni jekai Rajasthan, Uttar Pradesh aro Telengana-oni sak 75 watatako man·gipa chatro chatrirang Students’ Experience in Inter-state Living (SEIL) ko dake u·ie ra·nagita Northeast a·jaona sokbatokaha. Chu·gimik sak 75 oni sakbri chatro chatrirang Garo Hills-ona re·baaha ine koborna parakataha. Ia watatako man·gipa chatro chatrirang Akhil Bharatiya Vidyarthi Parishad (ABVP) ni dakchakaniko man·e re·bana cholko man·angtokaha.
Uamang Garo Hills-ni adita bakrangona November 6 oni 15 tarikona re·e doe dingtang dingtang biaprangko niangan baksana A·chik jatni dakarikanirangko ma·sie ra·anggen. Da·o dipet uamang BSF dolrangni aro songdongkamgipa dilgiparangni dakchakaniko man·e Bong Laskar ni gopram aro Killa Para War Memorial ona re·angaha ine koborko man·soaha.
