Chambugong Mahari Association Ampati unit nigita re∙baenggipa November 23 tariko South West Garo Hills a∙jani Border Area Development Office Ampati Multi-facility hall-o A∙chikrangni dakbewal-rikbewalrangko chra-depanterangna skie on∙ani workshop ko ong∙atanggen ine u·iatangaha. Ia workshop-o Tejipson Ch. Marak skie on∙aniko dakanggen. Gisiko nanggipa chadamberang gipin maharirangoni ong∙genchimoba biming segate dongpae skie ra·nagita man∙anggen ineba u∙iataniko dakangaha.
Biming segataniko dakna sakprako tangka gong 250 ko nanggen aro bon∙kamgipa biming segatani sal November 20 tarikko tik ka·angaha. Workshop ko pring 10 bajioni a∙bachengate ge∙gni session dake skie on∙anggen aro saoba ia workshop ni gimin talbate u∙ina sikgenchimode Algiva Viva Ch. Marak Association ni President na 8787741378, Secretary Silnang G. Sangma na 9366054659 aro Peniel B. Sangma na 8787558108 numberona call ka∙e sing∙atnagita man∙gen.
