South Garo Hills, Rongara songni bakrimgimin NGO rang jekai GSU aro FKJGP dolrang nosto ong∙gimin jakkalna on·gimin somoirangna badegimin samrangko aro gipin bosturangko palaniko
Rongara bajaroniko am∙sandianiko dake rim∙na man∙angaha. FKJGP ni President Tengsu Marak ni agananigitade uamangna manderangni janapataniko man∙e antidamona re·ange rang·san am∙sandianiko dakangaha ine parakataha. NGO dolrangni re∙ange am∙sandianiko dakon bang∙a dokanrango jakkalna somoi dongiminna bate namgijagipa samrangko palkuenganiko nikeaha ine koborna parakataha.
Ua somoio am∙sandie man∙gipa bosturangko bakrimgimin NGO dolrang man∙a bakan soe galangaha ine u∙iatangaha. Jakkalna namgijagipa samrangko palaniara Rongara jolosan ong∙aigija Garo Hills ni dingtang dingtang biaprangoba apsan daken ia obostarang ong∙enga ine Rongara jolni GSU President aganangaha. Garo Hills o namgijagipa samrangko aro gipin jakkalna kragijagipa bosturangko palaniko ta·raken nirok sandinagita nanga ine uamang didiataha.
