Tura songjinmani State Bank of India (SBI) Chandmari branch o Cash Deposit Machine (CDM) nosto ong·e dongenggipako ru·uta salrangna tarigija galchipe donengani a·selo manderang neng·nikanirangko chagronge suk ong·gijaniko Ku·rongdik na parakataha. SBI Chandmari branch ni ning·o CDM ge·sa aro a·palo ATM booth-oba ge·sa nosto ong·e dongenggiparangko tarichipgija galchipe donani a·sel bang·a jolo songdonggiparang neng·nikaniko man·enga.
CDM rang nosto ong·ani a·selo manderang bank ning·achi nape account tangtangona tangkarangko chipnagita uamangni gamchatgipa somoirangko gale ritingo chadengna nangenga. Tangkarangko nengrae chipna man·gita ia nosto ong·gimin kolrangko ta·rake taripile on·genchimode manderangni neng·nikanirangko olgrokatna amgen ine u·iatangaha. Tura songjinmao adita bank rang dongenchimoba CDM rang bang·giijasan dongaia aro uni kosako indake nosto ong·gipa kolrangko tarigija donaiode manderangna namen neng·nikaniko ra·baani ong·a.
