Meghalaya sorkarini ASHA kam ka∙giparangna mamingkoba daka dongja ine matnanganina Health Minister Ampareen Lyngdoh, 2021-22 aro 2022-23 bilsirangni gisepo ASHA rangna sorkarini dangdike on∙ani sakkiko mijal salo mesokangaha.
Meghalaya sorkari ASHA rangna, 2021-22 bilsio gong crore 16.32 tangkarangko jarikit on∙a tik ka∙e on∙manaha ine Lyngdoh parakangaha. Bangki dongkuenggipa gong 53 crore tangkarangko 2021-22 bilsion on∙a matchotmanaha aro NHM ni ning∙o gong 21.96 crore ko on∙e chu∙gimik gong 91.20 crore ko ASHA rangna jakkalaha ine Lyngdoh aganangaha.
Lyngdoh ni agananigitade 2022-23 bilsio uamangna bangki on∙a nanganirang dongjagenchimoba gong 16.98 crore tangkarangko jakkale jarikit man∙gnigipako hajal 2 ka∙e tikatkuenga ine parakataha. Iasan ong∙aigija NHM ni ning∙oba gong 22.68 crore-ko on∙enga jeon chu∙gimik 40.5 crore ko jakkalaha ine Lyngdoh agandapangaha.
