Garo Hills o chiring chibisikrangni tiproroangani bidingo Niksamso Garo Community Organization (NGCO) dolrang am·sandianirangko dake bol wa·a aro a·brirangni nosto ong·aniko nike A·chik a·songni gamjinko nosto ong·atenganina niam gri ro·ong quarry ko chalaienggiparangko dontongatchina u·iataniko dakangaha. Ia ro·ongrangko niam gri bikotaniara sorkarini dongimin niamko pe·asan ong·aigija buring bolgrim, chiring chibisik aro abri chidarerangko nisiate gala ine janape aganangaha.
Ia chasongo bang·a nitogipa aro manderangni salantio jakkalenggipa chiring chidarerango chi jokani komianiko niknagita man·engaha. Unbaksana neng·nikaniko man·enggipa manderangni NGCO dolrangna u·iatanigitade, Nokma rangni a·kingo niamgri an·tangtangni man·gninasan chanchie ro·ongrangko bikotenggiparangko a·kingni Nokma rang dontongatchina aro mikkangchi ro·ong quarry rangko skatang kulina on·jachina NGCO dolrang didiangaha.
