MDA sorkari na ku∙wattimgipa Paul Lyngdoh ASHA kam ka·giparangko uamangni nangnikanirangko a∙dok sorkari baksa re∙bae golpogrikchina mol·molataha. ASHA kamko ka·giparang sorokrango donge jingjengataniko dakgija Minister baksa uamangni neng·nikanirangko aro nangnikanirangko chusokatna golpogrikaniko dakna nanga ine Lyngdoh kobor ra∙timgiparangna parakataha.
Gipin salgro salaram a∙dokrangko nigrikatode Meghalaya a∙dokan ASHA kam ka∙giparangna japrako dormahako on∙a tik ka∙e on∙anio nambatgipa ong∙enga ineba ua aganangaha. Health Minister Ampareen Lyngdoh ASHA kam ka∙giparangko grongna ku∙chakmanaha ineba Lyngdoh agandapangaha. ASHA kam ka·giparangni dontonggija batanggimin sal 12 na kingking jingjengatani a·selo sanna bannaniko dakanio dam hajal sni songrangna neng·nikaniko on·enga ineba Lyngdoh aganangaha.
