Meghalaya a∙dokni Health Department, ma∙gipani sokko bi∙sarangna kanna didianiko on∙giparangoni nambatgipa ong∙anina Mothers’ Absolute Affection (MAA) program-ni ning∙o award ko man∙angaha. Ia program ko ra∙baanichi sanna bannanio bi∙sarangna sok kanani namgnini gimin u∙iataniko on∙an baksana mingchikking gadangrango pangchake chu∙ongagita bi∙sarangna sok kananiko dakchina u∙iataniko on∙a miksongani ong∙a. Una agreba iani bidingo dakchakaniko nanggenchimode namgipa ku∙pattianirangko ma∙giparangna skie dakchakanikoba on∙enga.
Atchidaldal bi∙sana ja dokona kingking ma∙gipani sok mangmangko on∙anichi siaoniko naljoke rakkian baksa bi∙sani ok re∙e saa aro pneumonia sabisi man∙aoniko naljoke rakkina gita man∙a. Ia minggni sabisirangan bilsi bongani ning∙ao ong∙gipa bi∙sarangni siani ja∙pang ong∙enga. Da∙alo dingtang dingtang sanna bannaniko dakenggipa dolrang aro ASHA rang ia programni ning∙ao bi∙sarangna chu∙onga gita ma∙gipani sokko on∙anichi adita sabisirangoniko bi∙sarangko naljoke rakkinagita man∙ani bidingo u∙iatna rakbee kamrangko ka∙angenga.