Dingtang dingtang skulni skigiparangna dormaharangko on·agita jaanti nipiltainiko dakrongbewalgita da·al salni bako tom·e chanchirimangaha. Ia tom·anio dormaharangko on·a dingtang dingtang cholrangko chanchirimangan baksana dormahako ja·manchake on·aniko bon·atna aro kam ka·anirangko namdapatnagita DSEO aro SDSEO rangna agantalatanirangko dakangaha.
Ia tom·anio SSA L.P aro U.P ni skigiparangna September aro October jani dormaharangko ia antini gisepo on·angnagita tik ka·angaha. Una agreba mikkangchi somoigita dormaharangko on·a man∙agita chu·ongagita tangka paisarangko chamsoaniko name dake nirokchina aro mikkang bilsioni dormaharangko ja·manchake sokataniko komiatna ja·kurangko de·angaha.
