South Garo Hills a∙jani Sports Complex Baghmara-o Gym aro Chess kal∙chakna tarigimin biapko da∙al salni bako a∙jani Deputy Commissioner Shivansh Awasthi ni jakchi oprake on∙aniko dakange Sports Department Chess Association na pakwate on∙aniko dakangaha. Ia kal∙chakram a∙damo Chess Association ni gita workshop rangko aro dingtang dingtang gadangni kal∙susaanirangkoba ong∙atangjringgen ine u∙iataniko dakangjolaha.
Ia Gym aro Chess Arena ko ra∙bae on∙anichi a∙jao gisiko nanggipa chadamberangna, uamangni changa sapaniko jakkalna aro mesokna namgipa cholko bikote on∙a gita ong∙enga. Iasan ong∙aigija be∙en bimangrangko mangrake dona ranta ka∙ani bosturangko ra∙baanichi manderang an∙tangtangko an∙seng baljoke rakkina cholko man∙anggen.
