BCCI ni bilsi 15 ni ning∙o ong∙gipa me∙chikrangna ong∙atenggipa One Day Trophy cricket ko Kolkata-o kal∙susaanio Meghalaya dolrang Nagaland baksa kal∙e chegipa ong∙aha. Nagaland dolrang skanggipa dokchengna tik ka·e 35 over-o chu·gimik 74 runrangko man∙aha. Meghalaya dolrang over 15 ni gisepon uamangni nisan ona sakgittam wicketrangkosan ga∙akate Nagalandko amataha.
Meghalaya dolni Diya Biswa robol goanio nambatgipa ong∙aha jeon ua over 7 ko goe sak 3 dokgiparangko wicket ra·aha. Jennyfer Fancon over 7 o 8 runrangko on∙e sak 2 wicketko ra∙aha, unbaksana Dejianna M. Sangma over 7 ko goe 11 runrangko on∙e sak 2 wicketko ra∙skaaha.
Meghalaya doloni Anastesia Shullai 21 runrangko tarie bang∙bate dokangaha aro Zoya Tasneem 11 runrangko man∙aha. Meghalaya da∙o dipet changbri kal∙anio changgittam ama cha∙na nangao ga∙eke ian dolna skanggipa cheani ong∙enga. Ia kal∙susaanio bong∙agipa kal∙aniko Sonibar salo Karnataka baksa kal∙angskagen ine koborna parakataha.
