South West Garo Hills a∙jao A∙chik jatni dakbewal rikbewalrangko chra depanterangna skie on∙ani workshopko mijal salni bako Ampati BADO office ni Multifacility hall o ong∙atangha. Ia workshopko Chambugong Mahari Association Ampati Unit nigita ong∙atangaha aro ia programona sak 200 na batpile manderang re∙bae bakko ra∙angaha ine koborna parakataha.
Programona Tejipson Ch. Marak mongsonggipa ong∙e sokbae pilak bakko ra∙gipa manderangna A∙chik jatni dakrongbewalo pangchake chrarangni dakna nanggni kamrangni bidingo agan-talate on∙angaha. Chasongni kri janggi tanganio jatni dakbewalrang gimaangroroenganiko nike aro chra depanterang an∙tangtangni kamko u∙ie maharina dangdike on∙anio sapgiparang ong∙china ia skie on·ani programko ong∙atangaha.
