Robol kal·ani a·damo Garo Hills ni changgipa sapgipa chadamberangko seoknagita Club Authority of Gasuapara South Garo Hills ni gita kal·e niataniko dakangna ja·ku de·angaha. Ia seokaniko daknagita December jani 15 aro 16 tariko Gasuapara kal·chakram biapo ong·atanggen ine u·iatangaha.
Bilsi 17 ni ning·o ong·gipa me·asarang 2006 oni 2011 bilsini gisepo atchigiparang ong·na nanggen ine Club Authority parakataha. Apsan daken me·chikrang 2007 oni 2011 bilsini gisepo atchigiparang ong·na nangskagen ine u·iatangaha.
Ia seokanio bak ra·na sikgipa chadamberang tangka gong 20 ko game an·tangtangni bimingrangko segatnagita man·gen ineba u·iataniko on·angjolaha.
