NCC ni bilsi 75 gapaniko maniani gita Northeastern Region Car Rally ko ong∙atenggipako Don Bosco College, Tura Principal Fr. Bivan R. Mukhim ni jakchi pring 9:30 baji mango re∙chakataniko a·bachengate on·angaha.
Tom∙aniona NCC North East region ni ADG Major General Gagan Deep aro Don Bosco Higher Secondary School, Tura ni Principal Fr. Threnius N. Sangma ba dongpae bakko ra∙angaha.
Ia rallyko Turaoni re·chakate Guwahati songjinmaona re∙anggen jeon Assam ni Chief Minister Himanta Biswa Sarma ni jakchi ia ong∙enggipa car rally ko rimchaksoe Robibar pringo NCC Day ko maniange matchotatgen.
