Williamnagar-o re·baenggipa November 29 tariko 10 bajioni attam 4 bajiona salsana Cancer sabisiko tangka gri porikka ra∙e sannaniko dakna Williamnagar Civil Hospital o State Cancer Society of Meghalaya, Williamnagar Civil Hospital aro National Programme for Prevention and Control of Non-Communicable Diseases (NP-NCD) bakrime ong·atangnagita u·iatangaha.
Ia camp ko “Early Detection is a Better Choice” katta bichongo pangchake ong·atna tik ka·angaha jeon District Medical aro Health Officer (DH&HO) Dr. Ivory A. Sangma ni parakatani gitade ia camp o Cancer sabisiko porikka ra·ani kolko salsana jakkalanggen ine u·iatangaha. Ia camp ko ong·atanichi songdongenggipa manderangna tangkagri cancer sabisiko porikka ra·nagita mingsa chol ong·enga ine parakangaha.
