South Garo Hills Baghmara o da·al salni bako Cancer sabisiko tangka gri porikka ra·e sannaniko dakna Baghmara Civil Hospital o State Cancer Society of Meghalaya, Baghmara Civil Hospital aro National Programme for Prevention and Control of Non-Communicable Diseases (NP-NCD) bakrime ong·atangaha. Ia awareness camp o gitalgipa kolrangko jakkale tangka gri porikka ra·e nianiko dake sannaniko dakanichi manderangna cancer sabisini gimin u·iataniba ong·anggen.
Ia awareness camp o Blood pressure (BP) ko niani, Blood Glucose/ Blood Sugar (Diabetes), mikron ko indin porikka ra·ani aro chosmarangko on·ani, be·eni jrianiko niani aro mande changroaniko toaniko dakangan baksana ku·sikni pari ba wagam wajaringni sabisirangko jekai wajong rangko nianikoba dakangaha. Ia cancer sabisiko indin porikka ra·e nianiko Shillong ni specialist doctor-rang re·bae dingtang dingtang cancer sabisini gimin porikka ra·e nianikoba dakangaha.
