East Garo Hills a∙jao Williamnagar Civil Hospital aro a∙dokni State Cancer Society ni gita Williamnagar Hospitalo dingtangmancha cancer sabisi man∙giparangna indin sannaniko on∙angenga. Ia sabisiko sannanio sak 70 mangni gita re∙bae sanna bannaniko daknagita bakko ra∙angaha ine u∙iatangaha.
Re∙baenggipa sal somoirango bang∙bata manderang an∙tangtangni saanirangko sanne niangna gita re∙bana ka∙dongsoenga ine koborna parakataha. Unbaksana jemangan East Garo Hills a∙jani Williamnagar sepangjolo songdongenggipa manderang re∙bae cancer sabisina porikka ra∙nagita indin tangka gri sanna bannaniko daknagita cholrangko man∙anggen ine u∙iatanikoba on∙angaha.
Meghalaya a∙doko cancer sabisi batrorobaengon a∙dok sorkarini gita dingtang dingtang champenganirangko dakna sanna bannaniko dakenggipa dolrangni gita rakbee kamrangko ka∙angenga. Manderangni saani gadangrangko ma∙sina man∙na gita sanna bannaniko dakenggipa dolrang aro State Cancer Society ni gita ku∙monge program rangko ong∙ate kamrangko ka∙angenga.
