Gitcham Chief Minister aro AITC ni dilgipa Mukul Sangma aro Congress dolni MP Vincent Pala, BJP party baksa bakrimna kusi ong∙genchimode uamangko katchabee aro mande ra·bee rimchaksona tarisamsoaniko dakanggen ine South Shillong ni BJP MLA Sanbor Shullai Bristibar salo parakangaha.
Sangma ni BJP baksa bakrimna miksonganiko sing·aniko dakon, iani bidingo maming koborko man∙sokuja ine Shullai aganangaha. Sangma aro Pala politics ni a∙bao namen matsramgipa dilgiparang ong∙ani gimin mikkangchi uamang BJP baksa bakrimani gisik donggenchimode uamangko party nigita name dake rimchaksoaniko dakanggen ine Shullai parakangaha.
