Meghalaya Civil Defence & Home Guards ni sak 6 officerrang aro sak 9 sipairang gamchatgipa upadi lekkarang baksa ka·bako gadangni kri potgipa chinrangko New Delhi ni Director General Civil Defence, Ministry of Home Office oniko ra·chakangaha. Ia mande ra·aniko chang 61 gipa Raising Day of Civil Defence & Home Guards ko gisik ra·ani salo uamangna pakwatangaha.
A·chikrangoni saksa, Joint Director of Civil Defence M K. Sangma ia gadongona sokdogiparangoni saksa ong·aha. Unbaksa uni gipin ka·rimska Joint Commandant General of Home Guards, RP Khongwar, Senior Staff Officer, Directorate of Civil Defence & Home Guards, B. Mukhim aro Commandant, Central Training Institute CD & HG, B Kharkongor gamchatgipa lekkarang baksa sonani ka·bako potgipako man·angaha.
Una agreba Shillong-ni Divisional Commandant of Home Guards, PH Shylla aro Junior Staff Officer, Directorate of Civil Defence & Home Guards, G Kharumnuid ia gadangko man·e gamchatgipa upadi lekkarang baksa rupani ka·bako potgipako man·angskaaha. Chel·chakgipa dolrangoni gipin sak 9 sipairangba New Delhi ni DGCD, MHO ni gadangna pakwatanio bak nong·atako man·angaha. Ia maniani somoio chu·gimik ge 225 gadangko mesokna ka·bako potgipa aro upadi lekkarangko on·angaha.
