Mijal salni bako NPP ni dilgipa James Sangma, bang·bata project-ni kamrangan Garo Hills a∙jaona mangmangsan sokbaenga ine matnanganirangna aganchakaniko on·angaha. Indake matnanganiara maming dakeba kakket ong·ja aro ia kattarangko agangenchimode sakki gnanggipa ong·na nanga ine Sangma aganangaha.
A∙dok gimikon namdapatani kamrangko mikkang nitegija dakenga aro bang∙a projectrangko Garo Hills a∙jao da∙alo namdapataniko nikna gita man∙enganiara batanggimin bilsirango a∙jana maming namgniko ra∙bana man∙gija galchipe donani gimin ong∙enga ine Sangma janapataha.
Garo Hills o tarakbee kam ka·anirangko nike manderang iako agansretgenchimoba, ia matnanganirangra kakket ong·ja ine Sangma agandapangaha.
