Ia chang Megong Festival ko manianio garirangko re·ruraatna ramarangko name nirokani dongjani a·selo manderang neng·nikanirangko chagrongna nangao ga·akaha. Pekwatgipa ramarango garirangko name watna man·jae 30 km mang chel·gipa ramako konta 6 bate somoirangko nangaha ine koborna parakataha. Ia kamko jako ra·e nirokenggipa department rangni nangagita chu·onge simsakjanichi paktangtangchi garirang re·gija rama dilsagita chacha jakkalanichi ramarango namen apchangketaniko nikna man·aha.
Nangana re·gipa manderang jekai sagipa ding·giparangko salangenggipa ambulance garirang aro sia bon·ana ba nanggitike songchi nokchi re·giparang rama jokjae re·na man·gija ja·gue donganiko nikaha. Iasan ong·aigija Tura oni Shillong ona re·gipa night bus pringni 5 bajiona mangba Jengjal-on ong·kuenga ine nikgipa manderang u·iataha.
Maniani waljatchio matchotgenchimoba sorokrango apchangketaniko man·e noktangtangchi pringni bakosa sokangtokaha ine koborna parakataha.
