Phulbari-Tura National Highway 127B ko apalatnagita ma∙mong sorkari tangka gong 1241 crore ko chamate ramako dilgni dake tarina tik ka∙angaha. Union Minister Nitin Gadkari ni agananigitade ia project-ara North East Road Network Connectivity Improvement ni aro JICA ODA Loan Phase-VII kamko ta∙rakatna dakchakaniko on∙enga ine parakataha.
Ia ramako tariani miksonganiara Assam aro Meghalaya ko altue re∙rurana, West Bengal aro Bhutan ni sima arigita gari gora re∙giparangko olgrokate, Tura aro Meghalaya ni dingtang dingtang bako NH-217 aro Tura-Jengjal-Rongjeng-Nongstoin-Shillong ramagita nengrae re∙na dona man∙gen ine Nitin Gadkari aganangaha.
Dhubri-Phulbari dollongni chu∙sokani aro Dalu LCS project ko matchotatna man∙ode North-South a·jarango bading chiwalanio re∙rurana nambatgipa chol ong∙gen ine janapangaha. Ia Project Meghalaya a∙dokna mangmangsan ong∙aigija Northeast gimikna bading chiwalaniko dakna nengraatgen. Unbaksana India aro Bangladesh a∙song baksa re∙a-doanio aro bading chiwalanio nengraatnaba dakchakanggen ine aganangaha.
