Da∙al salni bako a∙dokni PHE, Water & Soil Conservation-ni Minister, Marcuise Marak, Saansad Adarsh Gram Yojana (SAGY) ni ning∙o Chenggalma Model songo rikenggipa chi saldochakgipa biapona re∙ange nirokeaniko dakangaha.
Ia chi saldochakgipa biapko rikani 90 percent mangna matchotaha, jeon da∙o 210 Functional Household Tap Connection (FHTC) ko jakkalengaha. Ia chirangko adita wilwilao donggipa songrang jekai Chenggalma, Wakso Asimgre aro Mikka Simdam songrango nokantiona piperangko sale chirangko sokatanggen ine PHE Minister Marcuise Marak aganangaha. Ia rikenggipako chu∙gimik matchotani ja∙mano 210 FHTC o 28 nokdangrangna bariate 238 FHTC o tang∙doatna miksonganirang donga ine Marak agandapangaha.
