Meghalaya sorkarini Directorate of Accounts & Treasuries ni ning·o donggipa pilak Government Treasuries ba office rangko ia bilsini December 16 tarik jean Sonibar sal ga·akgenchimoba, office rangko kulie kamrangko ka·chinagita da·al salni bako a·dokni Governor Phagu Chauhan ge·etangaha.
Ia bilsi bon·a skangan sorkarini nangchongmotenggipa bangki hisab ki·taprangko chu·gimik matchotatnagita miksonge Sonibar sal ong·genchimoba kamrangko ka·chinagita a·dokni Governor u·iataniko dakataha.
