Don Bosco College, Turaoni adita chatro chatrirang Kerala a·doko ong·enggipa Cultural Exchange Program-o bak ra·enga ine koborna parakataha. Ia programko Irinjallakuda Diocese-ni Bishop Mar Pauly Kannookadan ni jakchi oprakange December 15 oni a·bachengate 31 tarikona ong·atanggen jeon dam 15 a·dokrangoni sak 200 mang bakko ra·angenga.
December 16 tariko pilak bakko ra·giparangna Kerala o jarikenggipa daka rika bewalrangni bidingo ma·siate saksa sakgipin ni ja·rikaniko u·ie mande ra·na aro tale ra·na skie on·aniko dakangaha. Ia somoio Tura Don Bosco College oni chatro chatrirang uamang baksa gipin a·dokoni bakko ra·giparang Kerala a·dokni daka rika, chrok mesaani aro cha·ani ringanirangko ma·sie ra·na gisiko nange bimchipe skie ra·angenga. Ia programko dingtang mancha jatsa jatgipini dakarikako ma·sigrikna, ku·cholsan bakrimaniko aro ku·monganiko chatro chatrirangni gisepo ra·bana miksonge ong·atangenga.
