Assam, Dhubri oni Meghalya Phulbari-ko nangdimatna rikenggipa dollongko da·al salni bako a·dokni skotong Minister Conrad Sangma, Power Minister A T Mondal, PHE minister Marcuise Marak aro Deputy CM Prestone Tynsong baksa re·ange nirokeaniko dakangaha.
Ia rikenggipa dollongko re·baenggipa 2026-2027 bilsio matchotatna miksonge manchie donangenga jekon da·o adita kamrangko matchotaha. Ia dollongko dal·begipa Brahmaputra chibimako kabate pilak bading chiwale cha·giparang aro re·a doanirangko dakgipa manderangna nengrabate sokna dakchakaniko ra·bana a·dok sorkarini namgipa ja·ku de·e kam ka·ani ong·a. Ia somoio skotong Minister Conrad Sangma, rikenggipa a·damona re·ange nirokeaniko dake a·dok ge·gniko nangdimate kajina man·aniko baridapatna dakchakaniko ra·bagen ine ka·dongsoaniko parakangaha.
Ia somoini bako CM Conrad Sangma aro gipin dilgiparang re·baenggipa 2024 bilsini Lok Sabha pu·onanio Agatha Sangma na chakpachina Phulbarini manderang baksa tom·bimonganikoba dakangaha.
