Bilsi 16 ni ning·o ong·gipa me·a bi·sarangni Vijay Merchant Trophy na Cricket kal·anio Meghalaya dolrang skanggipa salo dokchengna basee chu·gimik wicketrangko ga·akate 79 run-rangkosan tarinagita man·aha. Manipur dol skanggipa innings o 233 runrangko man·e sak 9 wicketko ga·akataha aro uamang da·o 154 run-chi Meghalaya dolna skangsoe dongenga.
Meghalaya dolni robol gogiparangoni Apandanka Marak 43 runrangko on·e sak 5 wicketrangko ra·skaaha. Ian una ia tournament o da·o dipet gittamgipa changna sak bonga wicketrangko ra·ani ong·enga jeon ua Manipur doloni bang·bate 94 runrangko dokgipa Rain ko wicket ga·akatna man·aha. Gipin robol gogiparangoni Manthan Gupta wicket 2, Gaurav Narleng wicket 1 aro G. Jyoti Thakuria wicket 1 ko ra·angaha.
Meghalaya dolni dokgiparangoni Gaurav Narleng 43 ball-o 39 runko man·e dol gimikna dok runko changsa man·e on·e chang 12 mangna bri runko dokna man·gipa saksa ong·aha. Gipin dokgiprangoni Benedict Makdoh san 10 na bate dokgiparangoni saksa mangmang 12 runko dokna man·gipa ong·angskaaha.
