GHADC ni ning∙o kam ka∙giparangni dormaharangko on∙gija donengani bidingo adita sing∙doanirangna Garo Hills Autonomous District Council (GHADC) ni Chief Executive Member (CEM) Albinush R. Marak uamangni dormaharangko on·a tarimahana ine parakataha.
Bang∙a manderangan GHADC ni ning∙o kam ka∙giparangna da∙o ong∙enggipa EC dormaharangko on∙jaenga aro backlog rang bangbe∙engaha ine masisretani gnang. Da∙o EC ong∙enggipako a∙bachengaoni da∙alona kingking tangka paisarangna neng∙nikgenchim ong∙oba da∙o bilo dongenggipa EC, GHADC ni ning∙o kam ka∙giparangni dormaharangna chanchie rakbee kamrangko ka∙enga ine u·iatangaha.
Una agreba ja 34 ni dormaharangko on∙ataha aro bangki ja 32 ni dormaharangko jako ra∙e nirokatgen ine Marak aganangaha.
