Baghmara bajar o jabolrangko kragija galanina jolo songdongenggipa manderang jako ra·e kam ka·giparangko nirokatchinagita mol·molataha. Jabolrangko manderangni skatang gale donanichi chaktogijagipa bibarangko chaknagita nanga aro be·en bimangnaba ken·begnigipa ong·a ine songdongenggipa manderangoni saksa uni suk ong·gijaniko parakataha.
Koborna u·iatanigitade ia jabolrangko ru·uta somoirangonin rongtalatgija galchipe donenga ine u·inagita man·aha. Unbaksana Krismasko manina skangan jabolrangko tom·dake galanirang batrikrikangaha ine parakataha. An·seng baljokaniko rakkina man·agita jabolrangko nambate chimonge galna man·genchimode songdongenggipa manderangni neng·nikanirangko komiatan baksana an·seng baljoke dongnagita dakchakani ong·gen ineba u·iatangaha.
