Garo Hills ni a·jao damgni biaponi fiber connectivity chotani a·sel konta 24 na Bristibar attamoni internet gri dongna nangaona ga·akaha. Ia a·selara a·dokni skotong Minister Conrad Sangma ni high speed internet ko sokatna ine parakahaon ja sa ni gisepon ru·utgijan gnigipa changna internet man·gijaniona sokaha.
BSNL jean Department of Telecoms ni bak ong·achim a·song gimikna internet ko sokatgipaan Garo Hills o January 4 tarik attamni 4 bajioni Goalpara Assam-o rama apalatani ko dakengani a·sel BSNL fiber chotaha aro bakan nosto ong·gimin fiber ko tariani somoini apsan walon 8 bajio fiber chotomaniko knataina man·aha. Ia gnigipa a·selara Jengjal oni Tura ramako PWD ni manderang rama tarimitingo rama ning·gita optic fiber cable sringgipako su·prumane Garo Hills gimik internet connectivity ko man·taijaha ine u·inagita man·angaha.
Jengjal o India a·songni President Droupadi Murmu Baljek airport o Meghalaya Games ko January ni 15 tariko oprakaniko dakna skang PWD ni manderang ramako rang·gitik ripidapmiting somoio a·a ning·gita cable wire dongipako su·protman·aona sokaha aro iani a·sel electronic kamrangko jakkalengipa Bank aro online gita gamna suna nanggipa kamrang rang·gitik dongtongatako man·aha. Da.al salni 1 bajiona kingking Garo Hills internet gri dongna nangaona ga·akuenga ine kobor ra·timgiparang u·iataniko on·ataha.
